زۆر جۆریان بۆ جوانی لە باخچەکاندا دەچێنرێن، هەندێک جۆریشیان هەر لە کۆنەوە بۆ دروستکردنی دەرمان بەکارهاتوون، بە تایبەتی جۆری Papaver somniferum (کە پێی دەڵێن Opium Poppy)، کە ئێستاش بە فراوانی لە سەرانسەری جیهاندا بۆ دروستکردنی دەرمان دەچێنرێت و بەکاردەهێنرێت. شایانی باسە کە سۆمەرییەکان لە ساڵی ٣٤٠٠ پ.ز ئەم گوڵەیان ماڵی کردووە و وەک دەرمان بەکاریان هێناوە، ئەم زانستە لە سۆمەرییەکانەوە بۆ یۆنان، میسر، هیندستان و گەلانی تر گوازراوەتەوە. لە مێژوودا جەنگی گەورە و ناودار لەسەر بازرگانیی ئەم ماددەیە کراون.
ناوی کوردی
Bûkegul، Bûkîk، کاتێک منداڵ بووم، لە ناوچەی دهۆک بە سوورەکەمان دەگوت bîtanok.
ناوی زانستی
ناوی گشتی بریتییە لە Papaver، بەڵام هەر جۆرێک ناوێکی زانستیی تایبەت بە خۆی هەیە و هەموو ناوە زانستییەکانیان بە Papaver دەست پێ دەکەن.
بەرزی
لە سی تا 90 سانتیمەتر بەرز دەبنەوە، بەڵام هەندێک جۆریان تا 120 سانتیمەتریش بەرز دەبنەوە، وەک جۆری Papaver orientale.
نووسەر: Weysî Silêman Elî | دوایین نوێکردنەوە: ١٤ی تشرینی دووەمی ٢٠٢٦
