Bi tevahî ve, gula Şemşîr gelek taybetmendîyên cuda û curbecur hene. Ji bu rohnkirina vê gotinê, çend nimuneya dînim - ji ber bedewîya wan baxçe û gulxane herdem ji wan pir in. Dara vê gulê xurt û jînxwaz e, dikare li piranîya welatên gerim û nîv-germ li dinyayê bijît û belavbûna wê jî ya pêgotîye, ji ber ku geleka tendirust e lewma di çêkirina dermanên giyayî da rolekê giring heye, herweha gelek mifayên bazirganî jî hene. Salan e bi rîya pîvazokên wan dihêne çandin.
Navê kurdî
Gula Şemşîrî (cudaye ji gula Hêroya Kurdistanê).
Hejmara cureyan
260 cure hene, ji wan 250 li Afrîqa ne.
Demsal
Havînîye. Li bihara pîvazokên wan diçînin û di heyama 10-12 heftîya piştî çandinê gulên wan vedibin, di yek werzî da çend cara pîvazokên wan li peyî hev diçînin daku ew gul berdewam li bazarî her hebin.
Ferhengok
- Afrîqa — Kêşwera Afriqa, parzemîna Afrîqaye ku 54 dewleta bi xwe ve digrît.
- Bi tevahî ve — Bi giştî, hemû li ser hev, têkra, bi hevra, bi gelemperî.
- Taybetmendî — Hin saxletên cuda bi xwe ve hene.
- Rohnkirin — Zelalkirin, diyarkirin.
- Mişt in — Pir in, di tije ne, gelek in, zor in.
- Dara gulê — Riwek (nebata) gulê (reh, qurim, tak heta gopîtkê bi hevra).
- Xurt — Bihêz, ne lawaz e, (G.P. Bi hêzo, bi rêzo).
- Jînxwaz — Gelek hez ji jiyanê diket, gelek li berxwe didet taku bijît.
- Pêgotîye — Bi nav û deng e, piranya kesa li ser wî tiştî yan wî kesî agahwdar in.
- Lewma — Ji ber-nimune (ji ber ku baran e, lewma ew di malda ye).
- Rol — Bi bandor, amadebûneka xurt.
Nivîskar: Weysî Silêman Elî · Nûkirina dawî: 28ê îlona 2026an
