Kêm kes hene ku navê vê gulê nebihîstibît, ev e jî nîşaneya giringîya wê ye, serbarê hemû mifayên wê yên tendirustî û aborî, li cîhanê yek ji giringtirîn çavkanîyên rûnên xwarinê dihête hejmartin.
Navê zanistî
Helianthus annuus koka xwe ji zimanê Yewnanî wergirtîye, ku wateya Helianthus gula rojê ye (helios = roj, anthos = gul) û annuus bi Latînî tê wateya salane.
Wargeh
Amrîka naverast û ya bakûr wargehê 67 cureya ne, bi tenê sê cureyên wan ji Amrîka başûr in, ji van welata li Ewropa û cîhanê belav bûyine.
Demsal
Havînîye ku piştî çandinê bi 90 roja dihête çinîn.
Ferhengok
- Nebihîstibît — Wî nebihîstbît, wî guh lê nebûbît, bihîstin anko guhlêbûn.
- Nîşan e — Nîşander, sembol, hêma, girov e, belge.
- Giringî — Pir bihayî, pir mifayî, bi xêr û bêr.
- Serbar — Zêdebar, ji bilî yên heyin eve jî di ser ra.
- Tendirustî — Saxlemî, bê êş û nexweşî.
- Aborî — Ekonomî.
- Çavkanî — Jêder, cihê jê peydabûnê ye, ji wê derê bi dest dikevît.
- Rûnên xwarinê — Ew rûn in yên ku mirov ji bu xwarina xwe çêdiket û bi kar dihînît.
Nivîskar: Weysî Silêman Elî · Nûkirina dawî: 18ê cotmeha 2026an
