Berî hizarên sala ne ku ev curê dara li kom giravên Endonezyayê hatîne dîtin, zêdebarîya ku berê wan hatîye bikaranîn ji bûyî xweştirkirina xwarin û vexwarina, ew hatîne bikaranîn ji bûyî çêkirina gelek cureyên dermana jî. Navê Mêxeka (Qerenfilê) di navbera salên 206 B.Z heta 220 piştî zayînê (P.Z) gelek cara di nav deqên Çînîyan da hatîye nivêsandin.
Hejmara cureyan
1200 cure dikevine li jêr navê Syzygium da, lê bi tenê yek cure berhemdar e û ji berê were ev berheme ji bu xwarinê wekî biharat, derman…hwd. bikar hatîye - dihêt.
Bilindî
Darên ku dihêne çandin di nav projeya da heta heşt metreya bilind dibin, ewên li xwezayî û derveyî projeya dijîn zêdetir jî bilind dibin.
Demsal
Du cara li salê berhemê wan dihête çinîn, li bihara û payîza. Dara Mêxek (Qerenfilê) li her çar werzên salê ya kesk e.
Ferhengok
- Ji berê were — Ji demê kevin da heta niha.
- Endonezya — Welatek e li Başûrê û rojhelatê Asya ku ji 17508 girava pêkdihêt, 275 milyon mirov lê dijîn.
- Îkwator (the equator) — Ew xêzeye (hêl e) ya ku goka erdî dikete du nîv ji Rojhelat heta Rojava.
- Berhemê daran — Berê daran, derametê daran, dindikên daran, ew beşê dara yê ku dihête xwarin yan jî bikaranîn.
- Biharat — Peyveka giştîye ji bû hemû cureyên dermanokên xwarinê (bi Înglîzî spices).
- Dihête çinîn — Dihête jêkirin, ji daran vediken û dihêne komkirin.
- Deqên Çînya — Tikistên Çînîya, nivêsên Çînîya.
- P.Z — Piştî zayînê (piştî ji dayikbûna H. Îsayî).
Nivîskar: Weysî Silêman Elî · Nûkirina dawî: 28ê îlona 2026an
